هوس الشباب المغربي بثقافة التريب “trip”
في حوار مع أحد الشباب المغاربة المهوسين بالتريب”TRIP” تحدث إلى جريدة التحرير بكل تلقائية عن ما يعيشه في تجاربه مع مجموعة من أقرانه في خرجاتهم الجبلية .
و حاول الإجابة بشكل عفوي وهذا ما عبر عنه :
ثقافة تريب بخلاصة، هو تجربة :
-كاتعرف على اصدقاء من مختلف المدن و البلدان فنفس التراجي ديالك. (معرفة الرجال كنوز )
كايعلمك الصبر و تريض البدن و تحرق الدهون من المزيان.
– كتخليك ما تبقاش تخاف (الا كنتي كتخاف) حيت كتلقا راسك ف مواقف لي ميمكنش ليك تعامل معاهم ونتا خايف.
مثلا : ما تقدرش تنعس بالليل الا كتخاف من الكلاب (حيت كيجيو ليك حدا لاطونت يبقو يضورو عليك) ولكن الليلة التانية اتنعس صحة و ليلة التالتة اتنعس واخا كتسمعهوم تكون ولفتي…
– كتخليك تولي زوين مع جميع الناس حيت حتى حد ما ايعطيك حتا شريبة ديال الما الا مدويتيش زوين
– كتخليك تعتامد على راسك حيت الا ما صاوبتي ماكلتك ما غاديش تاكل
– كتخليك تشوف الحياة من منظور آخر، وكاتهبط سقف المتطلبات و الحاجيات ديالك
– كتربي فيك واحد القناعة فشككككل، كتولي قادر تعامل معا كلشي، تاكل ايا حاجا (المهم تعمي الجوع) ترتاح ف اي بلاصة، …
– تحس بالنعمة لي نت فيها، مهما كانت صغيرة حيت كتشوف ناس معندهمش حتا %10 من لي عندك نت و تاي تبسمو فوجهك و عايشين البساطة
الحاصول، تريب، كونصيبط دو في.